Igandea, 2013ko maiatzak 19 - 08:35
HAUR LAPURTUEN AUZIA
Anadir eta SOS Haur Lapurtuak elkarteetako ordezkariak Eusko Legebiltzarrean izan dira gaur. Antonio Barroso Anadir Elkarteko presidenteak salatu du biktimak "funtzionarioen nahiaren mende" daudela eta gaineratu informazio asko "manipulatuta" dagoela.
Berria.info 2012-04-27 - 21:29:18
Bozkatu
Anadir eta SOS Haur Lapurtuak elkarteetako ordezkariak Eusko Legebiltzarrean izan dira gaur. Elkarteetako kideek erregistroetan, ospitaleetan eta erakunde erlijiosoetan dokumentuak lortzeko zailtasun ugari dituztela gogoratu dute eta oztopo horiekin bukatzen laguntzeko eskatu diote haur lapurtuen kasuak ikertzeko batzordeari. Bestalde epaileei delituek ez preskribatzea galdegin diete.
Antonio Barroso Anadir Elkarteko presidenteak salatu du biktimak "funtzionarioen nahiaren mende" daudela eta gaineratu du eskuratu duten dokumentu ugari "manipulatuta" dagoela.
Flor Diez SOS Haur Lapurtuak elkarteko arduradunak esan du biktimek harresi batekin egiten dutela topo kasu bat preskribatzen duten bakoitzean, eta fiskalei irizpideak bateratzeko eskatu die "bakoitzak ez dezan legea nahi duen bezala irakurri". Politikoei ere laguntza eskatu die Diezek legedian beharrezko aldaketak egin eta delituen preskripzioa ekiditeko, osterantzean "aurretik egindako lan guztiak baliorik ez duelako"
Betiere erakunde eta agintariek hartutako norabidearekin eta elkarlanerako erakutsitako jarrerarekin pozik agertu dira elkarteetako ordezkariak.
