Osteguna, 2013ko maiatzak 23 - 12:38
EKONOMIA
1.022,3 milioi euroren irabazi garbiak izan ditu urtarrila eta martxoa artean, iazko epe berean baino %0,7 gehiago. Gamesa enpresak, berriz, 21 milioi euro galdu ditu lehen hiruhilekoan.
Berria.info 2012-05-10 - 16:15:17
Bozkatu
Iberdrola enpresak 1.022,3 milioi euroren irabazi garbiak izan ditu urtarrila eta martxoa artean, iaz baino %0,7 gehiago. Nazioarteko negozioei esker lortu ditu emaitzok.
Ustiapenaren emaitza gordina (Ebitda) 2.365 milioi eurokoa izan da, %4,1 gehiago. Ebitdak, gainera, negozio gune guztietan egin du gora.
Urtarrila eta martxoa bitartean, enpresak 38.145 gigawatt sortu zituen orduko.
Gamesa, galerekin
Gamesa enpresak, berriz, 21 milioi euroren galera garbiak izan ditu 2012ko lehen hiruhilekoan, merkatuaren "lurrunkortasuna" dela medio.
Ohar baten bidez, enpresak azaldu du testuinguru ekonomiko "konplexuaren ondorioz" izan dituztela emaitza negatiboak.
