Berria.info

Pierre Moscovici Frantziako Ekonomia eta Finantza ministro berriak gaur adierazi du Frantziak ez duela Europako itun fiskala berretsiko, ez behintzat "orain arte dagoen bezala". Moscoviciren arabera, ituna "hazkunderako estrategia batekin" osatzea beharrezkoa da.

Kargua hartzeko ekitaldiaren ondoren Moscovicik azaldu du Europa "lehentasunezko gaia" izango dela, bai "Greziako krisiagatik", baita hazkunderako mesedegarria izango den "Europaren eraikuntza berbideratzeagatik" ere.

"Badakigu bakarka ezin dela hori egin", esan du. Horregatik, Europako Batasuneko kide guztiekin lan egiteko prest agertu da.