Edukira joan

Publizitatea

EUSKAL HERRIA

Gizon bat atxilotu dute Errenterian, bikotekide ohiarengandik urruntzeko agindua apurtzea leporatuta

Ustez lapurtzera sartu zen haren etxera, igandean. Emakumeak salaketa jarri ondoren atzeman zuten gizonezkoa.

Berria.info   2012-05-29 - 16:08:40

Bozkatu

Emaitza 0 izar
  • Inprimatzeko bertsioa
  • Albistea postaz bidali
  • Zabaldu.com-era bidali
  • Digg-era bidali
  • Del.icio.us-era bidali
  • Aupatu-ra bidali

Ertzaintzak 38 urteko gizonezko bat atxilotu zuten atzo goizaldean Errenterian (Gipuzkoa), bikotekide ohiaren etxebizitzan lapurtu eta harekiko urruntze agindua apurtu zuelakoan.

Eusko Jaurlaritzako Herrizaingo Sailetik gaur jakinarazi dute lapurreta igandean izan zela, eta iturri beraren arabera, burdin hesi bat eta leiho bat behartu ondoren sartu zen gizonezkoa etxera. Ordenagailu bat, bitxiak eta bestelako materiala lapurtu zituen.

Emakumezkoak salaketa jarri zuen, eta atzo atzeman zuten gizonezkoa, aparkatuta zegoen auto batean. Autoan bertan hainbat bitxi topatu zituzten, ustez lapurtutakoak.