Edukira joan

Publizitatea

EUSKAL HERRIA

"Hamabi urte beranduago" hasi da Gautegiz-Arteagako txaleta egokitzen Ardanza

Auzitegien aginduz, etxeko teilatuari 37 zentimetro kendu behar dizkio Euskalteleko presidente ohiak. Ingurumen taldeak 1999tik ari dira borrokan, eraikinak legedia bete dezan.

Berria.info   2012-06-12 - 19:11:00

Bozkatu

Emaitza 0 izar
  • Inprimatzeko bertsioa
  • Albistea postaz bidali
  • Zabaldu.com-era bidali
  • Digg-era bidali
  • Del.icio.us-era bidali
  • Aupatu-ra bidali

EAEko Auzitegi Nagusiak agindutakoari jarraituz, Gautegiz-Arteagako Kanala auzoan duen txaleta Urdaibaiko eraikuntza legeari egokitzen hasi da Jose Antonio Ardanza Eusko Jaurlaritzako eta Euskalteleko lehendakari ohia, gautegizarteaga.hitza.info-k dakarrenez. Ingurumen taldeek diote duela dozena bat urte hasi behar zuela lan horietan.

Sententzia irmoan, Bilboko Auzitegiak agindutakoa berretsi zuen bere garaian Auzitegi Nagusiak eta, horrenbestez,  etxeko teilatuari 37 zentimetro kendu behar dizkio Ardanzak.

Zain Dezagun Urdaibai elkarte ekologistak jakinarazi dutenez, hamar bat egun daramatzate lanean beharginek etxean, baina lanak “hamabi urte beranduago” hasi dira. Elkarte hura eta Gernikako Ekologi Lantaldea 1999tik ari dira borrokan, eraikinak legedia bete dezan. Garaipen “gazi-gozoa” izan dela deritzote.