Igandea, 2013ko maiatzak 26 - 07:52
KULTURA
Zubi proiektua sortu dute
antzoki batzuek
Urtean lan bat sarituko dute; irabazleak diru laguntza jasoko du, eta antzoki bat erabili ahal izango du lana prestatzeko. Luhuso, Donazaharre, Durango, Leioa, Zornotza, Elorrio eta Aulesti dira egitasmoaren sortzaileak.
Berria.info 2012-06-20 - 15:51:46
Bozkatu
Euskal Herriko zenbait antzoki eta aretok euskal antzerkia bultzatzeko Zubi proiektua aurkeztu dute gaur, Durangon, San Agustin kulturgunean. Urtean lan bat sarituko dute, diru laguntza bat emanda ekoizpenarako lagungarri izateko, eta saritutako taldeak antzoki bat erabili ahal izango du lana prestatzeko. Lehen diru laguntza irabazteko izen ematea irailaren 14an bukatuko da.
Luhusoko Harri Xuri-Karrikako Arteen Fabrika, Donazaharreko herri antzokia, Durangoko San Agustin, Leioako Kultur Leioa, Zornotzako Amets antzokia, Elorrioko Arriola aretoa eta Aulestiko artedramen euskal laborategia dira egitasmoaren sortzaileak.
Saritutako lanak euskarazkoak edo testurik gabekoak izango dira.
