Edukira joan

Publizitatea

INGURUMENA

Arabako Zadorra ibaian isuri batek ehundaka arrain hil dituela salatu du Bilduk

Isuriari buruzko informazioa eskatu dio alderdiak Arabako Foru Aldundiari, erantzunkizunak bilatu ahal izateko. 

Berria.info   2012-08-03 - 11:26:03

Bozkatu

Emaitza 0 izar
  • Inprimatzeko bertsioa
  • Albistea postaz bidali
  • Zabaldu.com-era bidali
  • Digg-era bidali
  • Del.icio.us-era bidali
  • Aupatu-ra bidali

Arabako Zadorra ibaian amoniako isuri batek ehundaka arrain hil dituela salatu du Bilduk. Iragan asteburuan gertatu omen zen isuria. Arrantzale baten esanetan, Iruña Oka eta Argantzun arteko erreka zatian amoniakoa isuri dute eta, ondorioz, hiru tona arrain jaso dituzte hilik dagoeneko. 

Gertaeraren inguruko informazioa eskatu dio Bilduk Arabako Foru Aldundiari, erantzunkizunak bilatu ahal izateko. 

Bilduk zabaldutako informazioaren arabera, larunbatean antzeman omen zuten arrantzaleek isuria eta lau egun beranduago, arrain kopuru handia agertu da hilik, artean, barboak, loinak, zamo arruntak, lutxoak eta perkak.

Duela hilabete bat, Amvisa Gasteizko uren elkarteak, 2012an zehar gertatutako isurketen berri eman zuen eta, azaldu krisiaren beste ondorio bat direla. Horrela, Bilduk Aldundiari zaintza "zorrozteko" eskatu dio.