Edukira joan

Publizitatea

EUSKAL HERRIA

Hemezortzi urteko neska bat larri zauritu da Bakion, bikotekidearekin zihoala gizonezko batek labanaz eraso baitio

Erasoa bart gertatu da, Bakio eta Bermeo arteko errepidean. Gizonezko batek ustekabean eraso dio oinez zihoan bikoteari, eta ihes egin du. Neskaren bikotekideak hamazazpi urte dauzka, eta hura ere zauriturik dago.

Berria.info   2012-09-01 - 17:05:43

Bozkatu

Emaitza 5 izar
  • Inprimatzeko bertsioa
  • Albistea postaz bidali
  • Zabaldu.com-era bidali
  • Digg-era bidali
  • Del.icio.us-era bidali
  • Aupatu-ra bidali

Hemezortzi urteko neska bati eta haren hamazazpi urteko bikotekideari eraso die gizonezko batek bart Bakio eta Bermeo batzen dituen errepidean. Gizonezkoak ustekabean harrapatu du bikotea, eta neskari zauri larriak eragin dizkio labanaz. Hamazazpi urteko adingabea ere zauritu egin du, baina neska baino hobeto dago, antza.

Erasoa 04:30 aldera gertatu da, Bakio eta Bermeo lotzen dituen errepidean dagoen araztegiaren inguruan. Bikoteari eraso ostean, ihes egin du erasotzaileak. Ertzaintza ikertzen hasi da.

Neska larri dago, Gurutzetako Ospitalean. Mutila hobeto dago, eta Basurtuko Ospitalean ari dira artatzen.