Edukira joan

Publizitatea

MUNDUA

Pertsona bat 40 minutuan hiltzeko adinako erradiazioa antzeman dute Fukushiman

Lehen erreaktorearen ontziaren puntu batzuetan topatu dute erradiazio maila hori. Zentrala hotz mantentzen saiatzen ari dira TEPCO eta Japoniako Gobernua.

Berria.info   2012-10-11 - 08:46:06

Bozkatu

Emaitza 0 izar
  • Inprimatzeko bertsioa
  • Albistea postaz bidali
  • Zabaldu.com-era bidali
  • Digg-era bidali
  • Del.icio.us-era bidali
  • Aupatu-ra bidali

TEPCO Tokioko (Japonia) Konpainia Elektrikoak  atzo jakinarazi zuen Fukushimako zentral nuklearreko lehen erreaktorean antzeman duten erradiazio mailak pertsona bat hil lezakeela 40 minutuan. Erreaktorearen ontziaren puntu batzuetan topatu dute erradiazio maila hori, eta, TEPCOren arabera, erregai barrak urtuta daudelako da erradiazioa hain altua.

2011ko martxoaren 11n gertatutako lurrikarak eta tsunamiak kalte egin zion Fukushimako zentral nuklearrari, eta sei erreaktoreetako erregai barretako batzuk urtu egin ziren, erradiazio partikula ugari askatuz. Ordutik, zentralaren erreaktoreak hotz mantentzen saiatzen ari dira TEPCO eta Japoniako Gobernua, inguruko erradiazioa haz ez dadin.