T-festa, arte eta elastikoen lehen jaialdia antolatu dute egunotan Bilboko Alhondegian. Bertan historiako kamixeta berezienak, politenak, itsusienak,modernoenak... ikusteko parada izango da. 30 artiste eta disenatzaileren lanak ikusi ahalko dira hilaren 24 bitartean.

Garlan nekazarien kooperatibak 25 urte bete ditu eta ekitaldia egin dute Gasteizko Jardines de Uleta hotelean.

Herrira mugimenduak Euskal pilota manifestua aurkeztu du gaur Donostiako Haizearen Orrazian. Bertan, kirolari eta kirolari ohiek hartu dute parte Herrirarekin batera. Manifestuaren oinarria oso argia da, "euskal jendartearen gehiengoak konponbidea, euskal preso politikoen eskubideen errespetua eta bakearen pilota bultzatzeak duen garrantzia azpimarratzea". Agerraldian lehen mailako futbolari ohiak, pilotari ohiak eta errugbilariak izan dira.