Herriz herri. Jaialdi Arrasaten
2013-01-20
Oholtzak eta besaulkiek bat egin zuten Amaia antzokian, Arrasaten (Gipuzkoa), BERRIAren aldeko Zure ziztada behar dugu kanpainaren barruan egindako ekitaldian. Hunkigarria izan zen. Hizlariek hitza jarri zuten neurrian, erantzun bikaina eman zuten han bildutako 350 bat lagunek.
Herriz herri
2013-01-15
Villabonan egindako jaialdian bildutako dirua jaso dute BERRIAko arduradunek, Udaleko ordezkari eta herritarren eskutik.
Nestor Basterretxea
Nestor Basterretxea (Bermeo, 1924)
Eskulturagile gisa ezagutu dugu batez ere artista handia; kontaezinak dira izan ere bere obrak izan dituen erakusketak, bereak zein kolektiboak.
Oier Etxeberria
Oier Etxeberria (Azpeitia, 1974)
Artista eta musikaria da Oier Etxeberria. Azken erakusketa aipagarrienak La La Na izenekoa Gasteizko Montehermoso Kulturunean egindakoa eta Egiako Kultur Etxean egindako Kontzertu Ekonomikoa izan dira.
Euskaraz edo okzitaneraz idazteagatik Frantziako Gobernuak diru laguntza murriztu dietela edo ez dietela eman salatu dute Ipar Euskal Herriko Hitza-k, Kazeta.info-k eta Okzitaniako La Setmana astekariak. Hizkuntzaren araberako diskriminazioa onartezina dela nabarmendu dute hiru hedabideek, eta egoera hori zuzentzera deitu dute Frantzia. Aldarriarekin bat egin zuten, atzo, Ipar Euskal Herriko Euskal Irratiek, Herria astekariak eta Kanaldude herri telebistak. Euskal Konfederazioa eta Hizkuntz Eskubideen Behatokia ere presente egon ziren ekitaldian. David Grosclaude Akitaniako kontseilaria ere presente egon zen agerraldi horretan.
Frantziako prentsa agentziak eta argitalpenak kudeatzen dituen batzorde parekideak (CPPAP) ez dio onartu Ipar Euskal Herriko Hitza-ri informazio orokorra eta politikoa lantzen duen astekari elektronikoaren izaera. Ondorioz, Interneteko aldizkarientzat baliatzen duen diru laguntzaren heina murriztuko dio. Hori ebazteko arrazoia euskara bera da. Alegia, Ipar Euskal Herriko Hitza osoki euskaraz egitea. Batzordearen arabera, sareko argitalpena edonork irakur dezake, eta, Ipar Euskal Herriko Hitza osoki euskaraz egina denez, orok ez dute hango informazioa irakurtzeko paradarik. Gogoeta horretatik abiaturik, ondorioztatzen du irakurle talde mugatu batentzat baino ez dela egiten Hitza.
Orain 80 urte beteko dira euskal irratigintza oparoari hasiera eman zitzaionetik, eta, horren harira, Donostiako Koldo Mitxelena Kulturguneak Euskaraz hegaz: euskal irratiak 80 urte bi eguneko jardunaldiak antolatu ditu, lehen euskal irratiari buruzko hausnarketa egin, Joseba Zubimendi, Ander Arzelus Luzear eta Amale Arzelus sortzaileak omendu eta orduko dokumentazio ondarea aurkezteko.
Berria.info 2011
