BerriaLagunen Komunitatea

"Nire ziztada BERRIArentzat, euskarazko letra guzti hauentzat, baita argazki eta marrazkientzat ere, eguraldiaren iragarpeneko eguzki eta hodei eta tximisten ikurrei, horoskopoko karramarro eta batez ere ahariari, puntuazio zeinuei, izar edo asteriskoari, Mantangorriko diseinuari, logotipoei… Osasuna!"

Euskal rapsodia-1

"Zuekin batera aurkitu nahi nuke gure hitzen zentzu eder galdua".
Joseba Sarrionandiaren Poesiaren gauza galdua olerkitik.

Altzairu margotua
118,5 x 153 x 51 cm.

Kaiju

"Marrazki hau eguneroko lanaren emaitza da. Egunero zeozer margotu edo marrazten dut, nire ordenagailuaren ondoan paperak eta rotulkiak daude beti, eta edozein momentuan zirriborroak egiten hasten naiz... inolako ideiarik gabe, ez dakit zer aterako den baina apurka-apurka arrastoak lagatzen ditut nire inguruan dauden paper guztietan, alkandoran uzten dudan izerdiaren antzera...

Momentu horietako eguneroko lan txiki hori batzuetan zakarrontzira doa, besteetan galeria edo museo batean eskegita amaitzen du.

Garrantzia ematen diot eguneroko egite horri, nahiz eta beste gauzak egin behar aurrera ateratzeko ez diot inoiz zirriborroak egiteari utziko".

Margolaria. 1981ean Gipuzkoako artista gazteen sariketarako aukeratu zutenetik hainbat erakusketa egin ditu, bereak zein kolektiboak, Euskal Herrian eta kanpoan.

"Enpresa zientzietan diplomaduna izanik, 35 urterekin nuen lana utzi, eta eskultore eta margolari izatea erabaki nuen.

Bizitzan hartu dudan erabaki onena izan da. Hernaniarra naizenez, Adarra mendi inguruko biziak eta industria giroak eragin handia izan dute nire arte hizkuntzan. Aluminioa da gehienbat erabiltzen dudan materiala nire barneko ideiak eskulturetan edo margolanetan espresatzeko".

Taldean egindako artea interesatzen zaio, baita hezkuntza eta artearen gizarte eginkizuna ere. EHUko irakaslea da 2002tik Arte Fakultatean, eta Arte Ederren Masterra du, SUNY Purchasen.

Azken obrak kulturgune hauetan izan ditu: Montehermoso kulturgunea eta Vanguardia galeria; Kunstarkaden (Munich, Alemania)

Eskulturak eginagatik ez du halabeharrez eskulturaren medioaren 
bitartez lan egiten. Ezagun eta gertuko zaizkigun kultur zeinu eta 
irudikapenak bere materialtasunean azaltzea izan ohi da bere lanaren 
funts nagusia, konbentzio sinbolikoak eratzen dituzten formak 
nolabaiteko arroztasunez ematea.

«Kazetaritzaren moduak, oro har, bere toki eta funtzioak galtzen 
dabiltzaneko honetan, beti txiki eta hauskor izan den prentsa 
euskaldunaren proiektuak badu, agian, abantaila bat: irakurlego bati 
zuzendu baino gehiago irakurlego bat sortu ere egin duen heinean, 
giza talde honi dagokio kazetaritza independente, profesional eta 
arduratsu baten aukera defendatzea ardura horretan parte hartuz».

BERRIAk hegan egiten jarraitzeko!