Ondo iruditzen zaizkit aukeratutako liburuak. Eta arrazoi duzu, kazetariek, oro har, ez dutela askatasun handirik izaten, zuzendariaren menpe izaten dira eta. Eta zuzendari ezberdinek jakinarazteko erabaki dutenaren artean, erraz aurkituko du edonork zein dan eguneroko gauza, irakurle gehiengo zabal batean kezka gutxi sortzen duena, eta zein ez. Hara, zuzendari ezberdinen profesioltasuna eta irakurleekiko begirunea.

Zoritxarrez, kezka horixe berak maizegi jo izan nau neu ere, ordea, ez dakit zenbateraino irakaskuntza arazo den, zenbateraino ez ote den komunikabideetako zuzendarien ardura eta, aldiberean gure gizartearen islada. Bestela, zertarako izan zuzendari, ildo ideologikoa markatzeko ez bada? Nolanahi, Andu, literatura gelditzen zaigu, ezta?

Arrazoi duzu, Anjel, nire ustez ere aipatu beharrekoa zen Savaterren segimenduarena, Ismael Moreno epaileak auto judizialean aipatu zuenez. Hori argi utzita, gogoeta bat gaineratu nahi nioke zureari, gure akatsaren jatorria nire ustez non dagoen argitze aldera.

Auzitegi Nazionaletik ateratzen den informazioarekin prebentzio handiarekin jokatu beharra dago. Irizpide profesional hutsa da. Askotan, gehiegitan, atxilotuen deklarazioei buruz edo auskalo zer agiriri buruz guardia zibilak egiten dituen intepretazio interesatuak besterik ez dira izaten. “Ikerketako iturriek” agentzia bati kontatzen diote, eta kolpetik “informazioa” bihurtzen da.

Gogoratu bestela: Joxe Mari Sors, adibidez, ETAko finantza sarearen burua izan zen bost egunez, inkomunikatuta egon zen bost egun haietan hain zuzen. Savaterrena atera duten gehienek atera zuten.

“Informazio” horiek Auzitegi Nazionaleko “ikerketa iturri” zehazgabeak beste heldulekurik ez dutenean, zuzenena aipatu ere ez egitea dela uste dut. Orain, Barne Ministerioko arduradunek (izen eta abizenekin) edo epaileek (autoen bidez) haien berri ematen badute, orduan bai, emateko moduko informazioak izan daitezke, zeinek esan duen edo zeinek idatzi duen argi utzita. Camacho Estatu idazkariak eta Mesquida Guardia Zibileko buruak operazioari buruzko argibideak eman zituztenean ez zuten Savaterrik aipatu, oker ez banago, baina Ismael Moreno epaileak, bere autoan, bai. Autoa lortu izan bagenu, ziur naiz aipatuko genuela.

Bukatzeko, Auzitegi Nazionaletik ateratzen den informazio klase honen fidagarritasunari buruzko adibidea. Zuk idatzi duzunez, "Poliziak dio" atxilotuen paperetan Savaterri buruzko “datu asko” agertzen zirela. Hara El Pais-en gaur zer dioen, gai honi buruz idatzitako albiste berrienean:

"Respecto a Savater, según la Guardia Civil, no llegaron a localizarlo, por lo que no pudieron desarrollar el encargo recibido de la dirección de ETA".

Zer ulertu behar dugu, beraz, Imanol? El Pais egunkariak zehazgabeko zurrumurroak argitatzeko ohitura duela? Edo Berrian beste egunkarietan baino ahalegin gutxiago egiten duzuela informazio batzuk baieztatzeko? Portzierto, gaur ere ez da aipatzen Savaterrena Berrian. Berria izaten utzi ote?