TAIWAN

Hizkuntzak: txinera (mandarin; ofiziala), taiwanera (min nan), hakka dialektoak.
Biztanleak: 23,3 milioi (Taiwango Gobernua, 2013). Taiwandar (%84, hakka etniakoak tartean), kontinenteko txinatar (%14), aborigen (%2).
Erlijioak: budista, konfuzianista eta taoista nahasketa (%93), kristau (%4,5), beste (%2,5).
Transkripzioak: 2004an, Wade-Giles sistema baztertu eta pinyin erabiltzen hasi ziren Taiwanen. BERRIAn, nazioartean zabalduriko formak erabiliko ditugu. Taiwango pertsona izenek bi zati izaten dituzte: lehenbizikoa abizena da (familiako patronimikoa), eta bigarrena, izen pertsonala. Bigarren aipamenean, aski da abizena. Esaterako: 'Lee Teng-hui' aurrena aipatzen dugunean, eta 'Lee' hortik aurrera.
 

TAJIKISTAN

Hizkuntzak: tajikera (ofiziala), errusiera, xugni (Khorog inguruan).
Biztanleak: 7,1 milioi (NBE, 2012). Tajik (%79,9), uzbeko (%15,3), errusiar (%1,1), kirgiz (%1,1), beste (%2,6).
Erlijioak: musulman sunita (%85), musulman xiita (%5), beste (%10).
Jakingarriak: Badakhxan Garaiko eskualde autonomoan independentziaren aldeko mugimenduak izan dira zenbait alditan.
Transkripzioak: tajikeraz idazteko bi alfabeto erabiltzen dituzte: arabiarra eta zirilikoa.
 

TANZANIA

Hizkuntzak: ingeles (ofiziala), swahili (ofiziala), kiunguja (swahiliak Zanzibarren hartzen duen izena), arabiera (Zanzibarren), nyamweziera-sukumera, hayera, chagera luoera eta beste hainbat.
Biztanleak: 47,6 milioi (NBE, 2012). Gehienak bantu taldekoak dira (130 tribu inguru daude): sukuma, haya, nyakysa, nyamwezi, chaga (horiek guztiek milioi bat lagunetik gora dute). Masai, luo, boskimano, khoikhoi eta beste hainbat. Zanzibarren, arabiarrak, afrikarrak eta arabiarren eta afrikarren arteko nahasketa.
Erlijioak: musulman (%35), sinesmen tradizional (%35), kristau (%30); Zanzibarren gehienak musulmanak dira (%99).
 

Tatarstan

Hizkuntzak: errusiera, tatarera (ofizialak).
Biztanleak: 3,7 milioi. Tatar (%51,3), errusiar (%41), txuvax (%3 inguru), mordviniar, udmurt, mari, baxkir eta beste.
Erlijioak: musulman sunita, errusiar ortodoxo.
Jakingarriak: lehen, Tataria. Errusiako errepublika autonomoa.
Transkripzioak: 2002. urteaz geroztik, zirilikoa da alfabeto ofiziala.
 

THAILANDIA

Hizkuntzak: thailandiera edo thaiera (ofiziala), txinera (mandarin), ingeles, teochew eta beste zenbait (isan, khmerera, shanera...).
Biztanleak: 69,9 milioi (NBE, 2012). Thai (%75; hirutik bat lao taldekoa da), txinatar (%14) eta beste (%11; malaiar, khmer, mon, vietnamdar, homong, mein, karen...).
Erlijioak: budista (%94,6), musulman (%4,6), kristau (%0,7), beste (%0,1).
Transkripzioak: nazioartean finkaturiko erak erabiliko ditugu.
 

Tibet

Hizkuntzak: tibetera, txinera, monpa, lhoba.
Biztanleak: 3 milioi (Txinako errolda, 2010). Tibetar (gehienak), txinatar, monpa (25.000), lhoba (2.300).
Erlijioak: tibetarrak nagusiki budistak dira. Bon (xamanismoa).
Jakingarriak: Tibetek, batetik, Tibet historikoa adierazi nahi du: tibetera eta Tibeteko kultura nagusi den eremua. Bestetik, Tibeteko Eskualde Autonomoa ere adierazi nahi du. Eskualde hori Txinaren menpean dago. Hemengo datuak Tibeteko Eskualde Autonomoari dagozkio.
 

Tirol

Jakingarriak: Ikus Hego Tirol.
 

TOGO

Hizkuntzak: frantses (ofiziala), eweera, minera edo genera, kabyeera edo kabiyeera, dagomba eta beste hainbat.
Biztanleak: 6,3 milioi (NBE, 2012). Togon 37 talde etniko inguru daude. Afrikar (%99; ewe, mina edo gen, kabre eta beste hainbat), europar eta siriar-libanoar (%1).
Erlijioak: sinesmen tradizional (%51), kristau (%29), musulman (%20).
 

Tokelau

Hizkuntzak: tokelauera, ingeles (ofizialak)
Biztanleak: 1.200 lagun (NBE, 2011). Polinesiar.
Erlijioak: Eliza kristau kongregazionista (%70), katoliko (%28), beste (%2).
Jakingarriak: Ozeano Bareko kolonia zeelandarra.
 

TONGA

Hizkuntzak: tongera, ingeles (ofizialak).
Biztanleak: 105.000 lagun (NBE, 2012). Polinesiar, europar gutxi batzuk.
Erlijioak: kristau.
 

TRINIDAD ETA TOBAGO

Hizkuntzak: ingeles (ofiziala), hindi, frantses, espainiera, txinera.
Biztanleak: 1,3 milioi (NBE, 2012). Indiar (%40), beltz (%37,5), mestizo (%20,5), beste (%1,2), zehaztugabe (%0,8).
Erlijioak: katoliko (%26), hindu (%22,5), anglikano (%7,8), baptista (%7,2), mendekoste (%6,8), zazpigarren eguneko adbentista (%4), bestelako kristau (%5.8), musulman (%5,8), beste (%10,8), zehaztugabe (%1,4), sinesgabe (%1,9).
 

TUNISIA

Hizkuntzak: arabiera (ofiziala), zenbait mintzaira berbere (xelha, ghadames, nafusi, djerbi), frantses.
Biztanleak: 10,7 milioi (NBE, 2012). Arabiar (%98), europar (%1), judu, amazig eta beste (%1).
Erlijioak: musulman (%98), kristau (%1), judu eta beste (%1).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

Turk eta Caico uharteak

Hizkuntzak: ingeles (ofiziala).
Biztanleak: 30.600 lagun (NBE, 2006). Beltz (%90), mestizo, europar, iparramerikar (%10).
Erlijioak: baptista (%40), anglikano (%18), metodista (%16), Jainkoaren Eliza (%12), beste (%14).
Jakingarriak: Karibeko kolonia britainiarra.
 

TURKIA

Hizkuntzak: turkiera (ofiziala), kurduera, arabiera, armeniera, greziera.
Biztanleak: 74,5 milioi (NBE, 2012). Turkiar (%80), kurdu (%15-20), abkhaz, albaniar, arabiar, bosniak edo hegaldeko eslaviar musulman, kaldear, txetxen, txerkes, greziar, armeniar, ijito eta beste zenbait.
Erlijioak: musulman (%99,8, gehienak sunitak), beste (%0,2, gehienak kristau eta juduak).
Jakingarriak: Turkiako hego-ekialdea Kurdistanen parte da. Turkiaren mendeko Kurdistango zenbait hiri: Batman, Bingol, Bitlis, Cizre, Diyarbakir, Elazig, Erzincan, Erzurum, Gaziantep, Hakkari, Mardin, Mus, Siirt, Urfa, Tunceli, Van.
Transkripzioak: alfabeto latinoa erabiltzen dute.
 

TURKMENISTAN

Hizkuntzak: turkmenera (ofiziala, %72), errusiera (%12), uzbekera (%9), beste (%7, tartean, balutxera).
Biztanleak: 5,2 milioi (NBE, 2012). Turkmenistandar (%85), uzbeko (%5), errusiar (%4), beste (%6).
Erlijioak: musulman (%89), ortodoxo (%9), zehaztugabe (%2).
Transkripzioak: 1991z geroztik, alfabeto latinoa erabiltzen dute.
 

Tuva

Hizkuntzak: tuvera, errusiera (ofizialak).
Biztanleak: 305.510 lagun. Tuvatar (%77), errusiar (%20,1), komi, khaka.
Erlijioak: tuvatarrak nagusiki budistak dira.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

TUVALU

Hizkuntzak: tuvaluera, ingeles (ofizialak), samoera, kiribatiera edo gilbertera.
Biztanleak: 11.200 lagun (NBE, 2012). Tuvalutar (polinesiar, %96), mikronesiar (%4).
Erlijioak: Tuvaluko eliza (kongregazionalista, %97), zazpigarren eguneko adbentista (%1,4), bahaista (%1), beste (%0,6).
 

TXAD

Hizkuntzak: frantses, arabiera (ofizialak), sara (hegoaldean), eta beste hainbat hizkuntza eta hizkera (120 inguru).
Biztanleak: 11,8 milioi (NBE, 2012). Berrehun talde baino gehiago daude. Iparraldean eta erdialdean: arabiar, gorane (tubu, daza, kreda), zaghawa, kenembu, uaddai, baguirmi, hadjerai, fulbe, kotoko, hausa, bulala, maba; hegoaldean: sara (ngambaye, mbaye, gulaye), mundang, mussei, massa eta beste hainbat. Zenbait frantziar ere bizi dira Txaden.
Erlijioak: musulman (%51), kristau (%35), animista (%7), beste (%7).
 

TXEKIA

Hizkuntzak: txekiera (ofiziala), gutxiengoen mintzairak.
Biztanleak: 10,6 milioi (NBE, 2012). Txekiar (%90,4), moraviar (%3,7), eslovakiar (%1,9), beste (%4; poloniar, aleman, silesiar, ijito, hungariar, ukrainar).
Erlijioak: katoliko (%26,1), protestante (%2,1), beste (%3,3), zehaztugabe (%8,8), afiliaziorik gabe (%59).
 

Txetxenia

Hizkuntzak: txetxenera, errusiera (ofizialak).
Biztanleak: 1,1 milioi. Txetxenak %75 inguru dira Txetxenian. Errusiar, ingux eta beste.
Erlijioak: musulman sunita, wahabista.
Jakingarriak: Sobietar Batasunaren gainbeherarekin, Txetxen-Inguxen errepublika zatitu egin zen; inguxek Errusiari lotuta segitu zuten, eta Txetxeniak independentzia aldarrikatu zuen 1992an. Errusia kontrola bereganatzen saiatu zen, eta 1994az geroztik bi gerra izan dira. Gaur egun, bi gobernu daude: bata Errusiaren menpekoa da, eta bestea, berriz, independentista.
Transkripzioak: izen bereziak idazteko, ikus zirilikotik transkribatzeko taula.
 

TXILE

Hizkuntzak: gaztelania (ofiziala), maputxe (edo mapudungun), aimara, kitxua. Pazko uhartean (Rapa Nui) 4.500-5.000 lagun inguru rapanui hizkuntzan mintzo dira.
Biztanleak: 17,4 milioi (NBE, 2012). Zuri eta mestizo (zuri-amerindiar, %95), amerindiar (%3, maputxeak nagusiki, aimara, kitxua), beste (%2).
Erlijioak: katoliko (%89), protestante (%11).
 

TXINA

Hizkuntzak: mandarin txinera (ofiziala estatu osoan). Beste hainbat mintzaira txinatar: wu edo shanghaiera, yue edo kantonera (ofiziala Hong Kongen eta Macaon), minbei edo fuzhou, min nan edo hokkienera-taiwanera, xiang, gan, hakka dialektoak. Hainbat gutxiengoren hizkuntzak: zhuangera, uigurrera (ofiziala Xinjiangen), hui, yi, tibetera (ofiziala Tibeteko Eskualde Autonomoan), miaoera, mantxuera, mongoliera (ofiziala Barne Mongolian), koreera (ofiziala Yanbianen). Ingelesa ofiziala da Hog Kongen, eta portugesa Macaon.
Biztanleak: 1.350 milioi (NBE, 2012). Han txinatar (%91,9), zhuang, uigur, hui, yi, tibetar, miao, mantxu, mongol, buyi, korear eta beste (%8,1).
Erlijioak: ofizialki, herrialde ateoa da Txina. Taoista, budista, musulman (%1-2), kristau (%3-4).
Jakingarriak: Txinak bi eskualde administratibo berezi ditu: Hong Kong, kolonia britainiarra izandakoa (pinyinez, Xianggang), eta Macao, kolonia portugesa izandakoa (pinyinez, Aomen).
Transkripzioak: txinerazko izen berezi batzuek badute tradizioko euskal izena, eta, horrelakoetan, tradiziokoak erabiliko ditugu. Gainerakoan, pinyinezko formak hobetsiko ditugu. Txinako pertsona izenek bi zati izaten dituzte: lehenbizikoa abizena da, eta bigarrena, izen pertsonala. Bigarren aipamenean, aski da abizena. Esaterako: 'Mao Zedong' aurrena aipatzen dugunean, eta 'Mao' hortik aurrera.
 

Txuvaxia

Hizkuntzak: txuvaxera, errusiera (ofizialak).
Biztanleak: 1,3 milioi. Txuvax (%67,8), errusiar (%26,7), tatar (%2,6), mordoviar (%1,4).
Erlijioak: kristau ortodoxo, musulman sunita.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.