«Unibertsoa da
esfera infinitu bat,
zeinaren erdigunea
toki guztietan baita,
eta zirkunferentzia
inon ere ez».
Zutaz beste nork
esan dezake hori?
Neuk ere bai, Pascal.
Banoa horizontera
eta erdigunean nabil.
Erortzen naiz zulora
eta erdigunea naiz.
Naiz, beraz, pentsatzen dut.
Milesker aurkitu duzulako
nire tokia unibertsoan.
Zu, Pascal maite,
zirkunferentzian zaude
dagoeneko.
Ni tangentearen bila noa,
biok topo egin dezagun
edozein erdigunetan.
Esate baterako,
sagardotegi batean.
Egutegi berririk?
Ez, eskerrik asko!
Iazkoa daukat,
estreinatzeko.
PASCALEN ESFERATIK
Urte berri esfera berri
Iruzkinak
Ez dago iruzkinik
Ordenatu