Makinak ateratzea "irregularra" dela dio Uhartek, eta eraman ez ditzaten borrokan jarraituko dutela azaldu du. "Benetan badago aukera Inasa irekita mantentzeko, baina ezin dituzte makinak eraman". Inbertitzaileren bat egon daitekeela esan du LABeko kideak, eta hurrengo egunak "giltzarri" izanen direla uste du. "Inbertitzaile bat egotea erabakigarria da, babes soziala egon badelako". Gainera, eskaintzarik balego enplegua lehenetsiko litzatekeela esan dietela nabarmendu du LABeko kideak. Oraingoz haima bat muntatu dute makinak 24 orduz zaintzeko.

Erriberako eta inguruko herrietako 40 bat pertsona batu dira protestan, 17:00ak aldean. Lanean ari ziren makinetara jo, eta pankartekin inguratu dituzte.

Langileek lana eten dute, baina ez da poliziarik agertu eta, ordu laurdenaren buruan, lekua hustu dute protestan ari zirenek.

Tafallan heldu den larunbatean AHTaren aurka egingo duten manifestaziora dei eginez bukatu dute protesta.

Nafarroako Gobernuak jakinarazi ostea AHTak 70 kilometro bakarrik izango dituela, Castejon eta Iruñea artean, proiektuak inoiz baino zentzu gutxiago duela nabarmendu dute, eta obrak gelditzeko eskatu.

Nafarroan AHTa "irla" bat izango dela ohartarazi dute, eta ez dela errentagarria izango.

Sustrai Erakuntza fundazioak ere larunbateko manifestazioan parte hartzera dei egin du gaur.

"AHTaren gisako azpiegiturak espekulazioaren paradisu bilakatu dira", salatu du fundazioak.

Espainiako Gobernuak zentrala ixteko agindua eman zuen iaz, Nuclenorrek ez baitzuen zehaztutako epean eskatu zentrala kudeatzen jarraitzeko eskaera. Uztailaren 6rako behar du itxita zentralak, baina itxiera agindu hori bertan behera uzteko eskatu dio Nuclenorrek Espainiako Industria eta Energia Ministerioari. CSNri galdetu zion ministerioak ebazteko ea posible den zentralak lanean jarraitzea.

Atzokoari begira, berriz, krisi ekonomikoaren eta haren ondorioen diagnosian bat egin dute alderdiek, eta handik atera beharra dagoela iritzi diote. "Krisitik ateratzeko lehentasunak inoiz baino leku handiagoa dauka gure agendetan, eta agenda bateratuak ekintzara garamatza. Badakigu hori egin behar dugula, eta zenbat eta elkartuago egin, orduan eta eraginkorrago izango da". Nola atera erabakitzeko ordua iritsi da orain, baina ez dago oraingoz formularik. Bitariko bilerak egiten hasteaz gain, berak aurkeztutako lehentasunen agenda eman du Urkulluk.

Autogobernurako ponentzia

Ekainean zerga erreforma aurkeztuko du lehendakariak, baita zerga iruzurraren kontrako plana ere, bi proposamenak datorren urtarrilaren 1ean indarrean sartzeko asmoz. Udazkenean, berriz, autogobernuari buruzko batzordea martxan jartzekoa du, euskal eredu instituzionala aldatzeko asmoz. "Berezko arkitekturaren egokitzapena" egin nahi du, "modu kontsentsuatuan". Egoera sozial, politiko eta ekonomiko berrira egokituko den arkitektura.

Eskubide Sozialen Gutuna bultzatzen ari direnek ez dute nahi "injustizian oinarritutako Euskal Herria". Aitzitik, lan eskubideak eta justizia soziala oinarri hartzen dituen Euskal Herria nahi dute. Inork utopiatik gertu kokatu dezakeen esaldia ere bota zuen Iraolak: "Pertsonen arteko botere harreman ierarkikoak gaindituko dituen eta herritar guztien parte hartze soziopolitikoa bermatuko duen Euskal Herria nahi dugu".

Finean, "bestelako eredu sozioekonomikoa" behar dela diote eragileek. "Madrilgo gobernuak dekretuz hartutako neurriak Iruñeko eta Gasteizko gobernuek onartu eta aplikatzen dituzte". Alternatibak eraikitzeko unea dela uste dute, eta bide horretanEskubide Sozialen Gutuna eraikitzeko deia egin zuen. "Borrokarako tresna baliagarria" izango dela uste dute eragileek, "eredu propioa" eraikitzeko tresna. "Euskal Herrian eta Euskal Herriarentzat egin eta erabakia" izango da balizko eredu hori, "eta ez elite ekonomikoek erabakia".

Eskubide Sozialen Gutuna eraikitzen hasteko Eibarren, hilaren 25ean (09:30, Eibarko Unibertsitatea) egingo duten nazio batzarrean parte hartzera deitu zuen Saioa Iraolak. Horrekin batera, egun horretan bertan euskal hiriburuetan manifestazioak egingo direla eta haiek sustengatzeko eskatu zion gizarteari. Maiatzaren 30eko greba orokorrean ere parte hartzea "oso garrantzitsua" dela gogoratuz amaitu zuen.

Aznar PPko buru zen Del Burgok aipatu zituen urte horietan, eta oposizioko buru Espainiako Kongresuan; 1996an Espainiako presidente kargua hartu zuen.Aznarrek, berriz, atzo gauean bertan Espainiako Antena3 telebista katean egin zioten elkarrizketan esan zuen berak dakiela PPn ez dela gainsoldatarik izan. Del Burgoren deklarazioaz galdetuta, ordea, esan zuen Aznarrek ez duela hitz egiten epaitegietan dauden auziez.

Bankurik ez zuten erabiltzen

Antoni Romeral ustelkeriaren aurkako fiskalaren galderei erantzun zien Del Burgok atzo. Barcenasen paperen arabera, Del Burgok 23.439 euro jaso zituen. Del Burgok esan du Aiesarentzat zela diru hori, 3.000 euro izan ezik; horiek ETAren atentatu bat jasan zuen Atarrabiako zinegotzi Elena Murillorentzat hartu zituela deklaratu zuen Del Burgok. Horrek esandakoa berretsi zuen Aiesak berak atzo bere deklarazioan.

Lehenago aitortu zuen moduan, atzo ere esan zuen diputatu ohiak Aiesari diru hori eman ziotela Osasun kontseilari kargua onartzeagatik bere dermatologia kontsulta itxi behar zuelako eta UCD bere aurreko alderdiarekin zuen zorra kitatzeko. Dirua Barcenasen bulegoan jasotzen zuela esan zuen Del Burgok, eta ez zuela sekula agiririk sinatu. Gero dirua taberna batean uzten zuen, eta Aiesak eta haren emazteak, horiek bai, ordain agiria sinatzen zuten; Del Burgok hori Madrilera bidaltzen zuen.

Murillori emandako dirua Alvaro Lapuerta PPko diruzain ohiak eman ziola esan zuen Del Burgok, gutunazal marroi batean. Dirua banku baten bitartez zergatik ez zuten ordaindu galdetuta, PPkoak esan zuen etxe barruko kontua zela eta Nafarroan jende guztia ezagutzen dela.

Abascal ez da gogoratzen

Del Burgo eta Aiesaz gain, Santiago Abascal PPko Amurrioko zinegotziak ere deklaratu zuen atzo. Horrek ere aitortu du jaso zituela Barcenasen paperetan agertzen diren 12.000 euro, eta gaineratu zuen 1999an bere negozioan kale borroka ekintza bat jasan ondoren eman ziotela. Ez omen du gogoratzen, ordea, nork eman zion dirua, "hamalau urte pasa direlako".

Auzitegi Konstituzionalak maiatzaren 9an tramiterako onartu zuen Bateragune auzian zigortutakoek aurkeztutako helegitea. Horrekin batera, auziaz erabakitzen duen arte zigortuak libre uzten ote dituen aztertzen ari da auzitegia.

Fiskalak auzitegiari eskatu dio bazter dezala zigorrak bertan behera uztearen eskaera, auziak duen "garrantzia soziala" dela eta. Gainera, argudiatu du Otegiri eta Diezi ezarritako espetxe zigorrak bost urtetik gorakoak direla —sei urte eta erdiko zigorrak dituzte—, eta libre geratu ahal izateko zigor laburragoak izan beharko luketeela. Otegiri eta Diezi buruzko eskariak egin ditu fiskalak, baina erabakiak Jacintori, Rodriguezi eta Zabaletari ere eragiten die.

Auzitegiak ez du eperik bost zigortuen askatasunari buruz erabakitzeko.

Ezker abertzalea estrategia politiko—militarretik estrategia politikora pasatzea eragin zuen eztabaida sustatzeagatik, atxilotu egin zituzten 2009ko urrian. Zigortu egin zituen Auzitegi Nazionalak 2011n, eta sei urte eta erdiko zigorra jarri zien Espainiako Auzitegi Gorenak 2012ko maiatzean, ETAko kide izatea egotzita.

Autoa kaleratzearekin batera, Goñik deklaratzeko eguna ere atzeratu du epaileak. Etzi 10:00etan zeukan hitzordua, baina maiatzaren 28an ordu berean deklaratzea onartu du inputatuaren prokudaroreak egindako eskaerari erantzunez.

Dagoeneko deklaratu dute inputatu gisara Miguel Sanz Nafarroako presidente ohiak, Enrique Maia Iruñeko alkateak eta Alvaro Miranda Ekonomia kontseilari ohiak, kutxak emandako dietak kobratzeagatik. Iruñeko alkatearen kasua artxibatzea eskatu du, berriz, fiskalak, eroskeria delitua baztertu ondoren. Hiru horiek CANeko batzorde iraunkorreko kide ziren Yolanda Barcinarekin batera. Barcina ezin dute inputatu Nafarroako Gobernuko presidente izanik, Espainiako Auzitegi Gorenari dagokiolako, ezein epaitegiri egokitzekotan, kasua ikertzea.

UPNko eta PSNko beste sei kargudunek ere deklaratu dute, lekuko gisa.

"Inork ez du zigorgabetasunaz hitz egin", esan du Santosek: "Trebeziaz, batzuk esaten ari dira ez direla bakearen etsaiak, zigorgabetasuna dakarren bakearen etsaiak baizik. Inork ez du zigorgabetasunaz hitz egin". Azaldu du Kolonbian ez dela posible zigorgabetasunik herrialde horrek nazioarteko hainbat hitzarmen sinatu dituelako.

"Justizia trantsizionala aipatu dugu, zeharo ezberdina dena eta Kolonbian bertan ezarri zena paramilitarrak desmobilizatzeko. Hortaz, ez dut ulertzen zer dela—eta dauden batzuk prozesuaren kontra mahai gainean ere ez dauden arrazoi batzuengatik", gaineratu du.

Hainbat datu ere eman ditu Santosek. Azaldu duenez, adituek uste dute Kolonbian bakea izanez gero %2 eta %3 artean haziko litzatekeela ekonomikoki.

Iazko azaroaz geroztik ari dira bake elkarrizketak egiten Kolonbiako Gobernua eta FARC, Habanan (Kuba).

1935ean jaiotakoa, Alemania komunistan hazi eta hezi zen. Ingrid Hella Irmelinde Bernstein zen haren ezkondu aurretiko izena, baina izengoiti bat hartu zuen —Sarah eta haren senarraren abizena— 60ko hamarkadatik aurrera, judutarrei elkartasuna adierazteko eta nazien krimenak salatzeko.

Alemania Demokratikoko gobernua kritikatu zuen 1976an, Wolf Biermann abeslariari herritartasuna kendu ziolako. Gogor arbuiatu zuten Kirsch, eta Alemania Federalera alde egin behar izan zuen. Herrialdearen iparraldean bizi izan zen hil artean. Erretiratuta igaro zituen azkenengo urteak, poesiara emana.

Katzenleben (1984), Allerlei—Rauh (1988) edo Spreu (1991) dira haren lan nabarmenenetako batzuk.

— "Orain, buruz buru, ez nago goikoen mailan, baina momentuak aldatu egiten dira".

— "Beteranoak badirudi egunero frogatu behar duela oraindik jokoa baduela".

— "Aurkariei aurre egiteko gai ez naizenean kantxak esango dit. Baina, momentuz, ez da nire kasua, indarrean nago oraindik".

Sailkapen nagusian ez da izan aldaketarik, eta Vincenzo Nibalik (Astana) jarraitzen du lider. Bihar bai, bihar aldaketak izango dira, Mori eta Polsa artean 20.6 kilometroko kronoigoera izango dutelako. %10eko batez bestekoa daukaten aldapak ere badaude tartean.

Donostiako taldeak Espainiako Liga, Kopa eta Superkopa irabazi ditu denboraldi honetan.

Lehenedik dator Euskalmeten eta BERRIAren arteko elkarlana, eta papereko edizioan ere Euskalmetek eskaintzen dio zerbitzua euskarazko egunkariari.

Inaugurazio ekitaldian ehun lagun inguru bildu dira; bertan izan dira, besteak beste, Eusko Jaurlaritzako Hezkuntza, Hizkuntza Politika eta Kultura sailburu Cristina Uriarte, Mondragon Unibertsitateko errektore Josu Zabala, Huheziko dekano Nekane Arratibel, Aretxabaletako Udaleko zinegotzi Iñigo Louvelli eta Gipuzkoako Foru Aldundiko ahaldun nagusi Martin Garitano. Lehenbizi bost horiek izan dute hitza, eta eraikinak ikasleen formazioan izango duen garrantzia nabarmendu dute. "Krisi garai hauetan, oso garrantzitsua da gazteak ahalik eta hobekien formatzea, eta campus hori izugarri egokia da horretarako", azaldu du Garitanok. Hitzen ondoren, eraikina bisitatzeko aukera izan dute gonbidatu guztiek.

Eraikinak hiru solairu eta 2.700 metro koadro erabilgarri ditu. Campus berriak ikus—entzunezko komunikazio graduko 135 ikasle hartuko ditu, lau mailatan banaturik: lehen mailako 42 ikasle, bigarreneko 32, hirugarreneko 34 eta laugarreneko 27. Euskal Kulturaren Transmisioan aditu ikastaroak, berriz, 20 ikasle ditu. Gerora begira, capus berriko ikasgeletan graduondo gehiago ematea aurreikusirik dute.

Teknologia berrien garrantzia

Eraikinari dagokionez, beheko solairuan ondorengo atalak daude: atondoa eta ikasleentzako zerbitzu orokorrak; areto nagusia, hainbat ekitaldi eta talde lanetarako erabiltzen dena; platoa, paisaiak irudikatzen dituen croma sistemaz jantzita dagoena, eta hainbat eginkizunetarako balio duena, hala nola aktore zuzendaritzarako. Eta, azkenik, wifiz hornitutako ikasketa gela handi bat dago solairu horretan. Lehen solairuan, 40 ordenagailuz hornitutako infogela handi bat, ikasgela handi bat, tamaina ertaineko beste hiru ikasgela eta hiru ikasgela txiki egokitu dira. Bigarren eta azken solairuan, komunikazio berrikuntzako laborategia, irakasle gela, irrati estudioa, multimedia tailerra, animazio gela eta zortzi edizio gela daude. Bistan denez, teknologia berrien aldeko apustua egin dute.

Amorebietak 28 urte ditu, eta zortzi sasoi daramatza lehen taldean jokatzen. Guztira 254 partida jokatu ditu, eta lau gol sartu. Zortzi partida jokatu ditu Venezuelako selekzioarekin, eta lau Euskal Selekzioarekin.

Arabako hiriburuko Biltzar Nagusiak kaleko garaje batean topatu dute gorpua.

Datozen lau urteak gogorrak izango direla onartu du Garcinuñok, giro ekonomiko zailean. Une honetan negoziazio kolektiboaren blokeoak garrantzia handia duela esan du, eta horretarako "mahai guztietara" joango da patronala. Baina horretarako sindikatu batzuk mugitu egin beharko dute. Eta horretarako egungo lan erreforma onartzea eskatu die, "ekonomia bultzatzeko aproposa" delako. "Orain arteko legea bete egin dugu guk, beraz, sindikauei eskaera egiten diogu eurek ere berdina egin dezatela orain".